Monolog Gizd

Monolog GIZD

Witom wos piyknie rostomili
chca wom pospominać o zeszłej wilijii
Do mie to nie było nigdy nic takigo
ale tera wiela sie zmiyniło .
Jak sie to stało posłochejcie sami,
jak żeście som srogimi gizdami.
Jo był gizd , nad gizdami
cały czos,żech chodził z podbitymi slypiami
Mamulka przezy mie klekotow dostowała
a łojca bez przerwy nerwica brała.
Miołech iść do szkoły, ale jak żech z chałpy wyloz
mało kiedy zech tam prziloz .
po drodze było tela atrakcyji,
żech nie roz wylondowoł na policyji.
Galoty nowe zaro potargane
a szczewiki dycki ucioprane.
mycek toch potracił chyba ze sto
i tak mi szło...
Jak żech już dotar do tej budy
to cały czos pełno łostudy.
Nic mi do łepy nie właziło
cały czos mi gorko było
a rynka bez przerwy mie świyżbiała
bo by komu po pysku rada dała.
Rechtorki to sie tak wkurzały
że sie całe telepały.
Lepi by do nich było
jak by mie tam nie było.
Cały czos na dymnom radziły
i czas traciły
łojce non stop w szkole siedzieli
i ło mie słochać musieli.
Najbardzi żaliła sie ta z języka polskiego
że nie umia powiedzieć zdania piyknego.
Że nie rozumi co pod nosym godom
i gramatycznie zdań nie ukłodom.
Chciała bych się uczył tej gramatyki....
i tu się wtronciłai rechtorka z matematyki
że a matmie nie znom prostych działań
i nie podejmuje żadnych starań.
No i jeszcze sie wtrąciła ta z przyrody
żech do akwarium nie naloł wody...........
i co się stało z rybkami
to se już dopowiydzcie sami.
A zachowani???? to już inno godka
Wszyscy się boli iśc do wychodka
bo jo tam grasowoł
i bele co majstrowoł.
Jak mie łepki na korytarzu ujrzały
zaro po kontach sie chowały
wszyscy mie znali czynśli galotami
jak mie widzieli miyndzy lekcjami.

Łojciec i mamulka cali splakani
a łrechtory dali na mie nadowali.

Wychowawczyni tego słochała
i łojco m to podsumowała
Jak Zeflik bydzie bił dzieci
to ze szkoły wyleci.
I niech się weźnie do roboty
bo bydzie siedzioł z własnej gupoty!!!!
do mie to nie dociyrało
bo się wszystkich poustawiało.....
a jeszcze moj kamrat Francik
taki elegancik
zdolny, zawsze uszykowany
zy mnom siedzioł jak sparaliżowany
cało godzina sie telepoł
bo sie boł, żebych mu nie wklepoł.
Podobała mi sie Marika
ale łona wolała Francika
dobro byla z wszystkigo i z matymatyki
a jo ino z gimnastyki......

I tu prziszła wilijo
zeszła się cało familijo
Mamulka ryb nasmażiła
moczki uważiła
Łojciec choinka prziszykowoł
a jo im cały wieczor zmarnowoł
łaził żech po rynku i szukoł zaczepki
aż sie tacy znodli co mi klepli.
Jak mie mamulka ujrzała
zaro zymdlała
tatulek mi kozoł iść do wyra
i tu sie zaczyna cało historyja........
Leża, leża,łeża,leża chrapia za dwóch
a na dym nom stoi ...... duch!!!!!!
i ryczy z całej siły
aż mie trzynsawki wziyły;
Zeflik weż się do roboty,
wybija ci z głowy wszyski gupoty!!!!
Myśla se :chyba mi się śni
policza do dziesiynć przyjdzie mi
A tu dali słysza godani:
aaaaa łociec woło mie na śniodani...
niy, zaś ducha widza nad sobom
ze swojom mowom
Zeflik ty pieroński gizdzie
nie widzisz ,że mamulke zaro szlak piźnie
łojciec już ledwo dyszy
a ty nic nie słyszysz!!!!
Jo już cały wystraszony,
modry i zielony
zgrzoty i mokry jak kot
jak ściana żech zblod
dołech pierzina na łepetyna
i czekom drugo godzina
Myśla i rozważom czego łon chce????
I żech się kapnył,że muszą zmiynić się!!!!!
Rano,żech stanął jeszce przed łojcami
śniodani naszykowoł własnymi rynkami.
Mamulka się nadziwić nie umiała
łojciec nie wiedzioł skoąd tako zmiana
Razym my pośniodali i się w świynta radowali
ze szkoły mie nie wywalili
rechtorki mie chwoliły
W jednej ławce z Francikym siedza
do głowy włazi mi wiedza
Marika w matmie pomogo mi
czasym czekulada kupia ji
razym się uczymy
i kamratujymy..
wszyski bajtle mi część godajom
i się przedymnom nie chowajom.
Wszysko się odmiyniło przez jedna wilijo!!!
Jak mocie co za uszami
to się zmiyniejcie bez godki z duchami
i do wiliji nie czekejcie
ino się poprawiejcie
Tak radzi wom Zeflik
gizd nad gizdami
co nie życzy nikomu spotkanio z duchami!!!!!!