Dialog w gwarze śląskiej

- Witejcie, nazywom się Asia i przyjechałach do Wos ze ..........., żeby Wom połosprowiać ło tym, jak to se dziołcha synka może łopsztalować.
- No paczcie się na nai, jaki bydzie dysput zaczynać, Ty...a niy widzisz, że jo tu tyz je!?
Witom Wos piyknie, Karlik żech je i żech się skuli Wos tak musioł łoblyc. - westa, czorne galoty, a rano to zech drap szczawiki pucował.
- Widzicie...jakie te synki dzisioj som! Durch by ino ło sobie rozprawiali. A szmuglują się barzij jak dziołchy – galoty w kantka , cuker wela koszula wybiglowano...wejrzyjcie se!
- A dej mi pokoj, tak richtik to bych się drap z tego seblyk i sebuł i buty na fusbal łoblyk. Bo wiycie...nojbarzji to jo lubia w bala kopać.
- A ja tukej to mosz recht. Synki ino w bala ciupiom, dziołchy to majom Kaś. My som trocha na tym szport złe.
Mogbyś mi ino tyn wionek tak chycić i tym drutkiym tukej związać. Ale tak co by mi się to niy popuczyło.
- Jak jo mom z dziołchami godać jak łone ino ło szforach, szczawikach, kwiotkach, wionkach. A jo się tu starom w fusbal być najlepszy. Mama mi godo, ze jo już tak łod takiego bajtla duzo kopia. Najprzod w luft, potym w zegowek, a jak żech ino chodzić poradził, to zaroz z balem u nogi. Może jo to mom we krwi?
- Ja, ja, ino mama twoja to niy jest z tego rada, bo bez cołki czos słychać w doma klupaniy.
- A żebyć wiedziała, mamie godom , że Se ułamki do gowy wbijom. Ale tak po prawdzie, to w izbie balem się ciepia, kery mi Roz za kedy śleci i ściepie co z szofki.
- Poczymej mi te kwiotki, bo se z tym niy Poradza.
- Wiycie, dziadek mój mi godo co se mom znojść w życiu jakoś droga, pomiarkowac kim byda, wiedzieć kaj Ida. Toż łońskij niedziele mu padom, że byda jak Messi Abo Rolando!
- Karlik ty sie klupnij w gowa. Hyszpanym niy łostanysz, boś ty z łojca i matki Hanys!
- Tu wyjątkowo się z Tobom zgodza, ale dzadek padoł że my za staryj Polski tyz takiego Massiego mieli. Nazywoł się Ernst Wilimowski, myszkoł w Katowicach. Wiysz, że szczelił 1175 goli....
- No ja Ty ino ło fusbalu. Poć lepij zy mnom wionki puszczać. Jo się chca dowiedzeć kiedy się wygom i za kogo. Sama to bych się boła iść, ale jak byś ty szeł zy mnom tyn wionek puszczać na Dokawa....
- Jo cie znom...tyś se coś już pomarkowała.... Wiycie dzisiaj synek to mo fest pod gorka. Dziadek mi godoł, że za bajtla to łon za dziołchami gonił, za koczki ciągnął... A terozki to frelki za synkami lotajom. I jo richtik niy mogą się obegnać. Mama godo, że to bez tuż, żech szykowny kawaler. A jo som niy wiym co łone tak po prawdzie chcom? Potańcować? Chyba niy bo dzisiaj to się samymu tańcuje Abo taki chinski łobyrtasy. Specjalnie pinyndzy na maszkiety tuż niy mom, a jak mom co grosza , to som poradza udać. A może im chodzi ło Tyn fusbal. Ino jak dziołchy za mnom Goniom to jo uciekom, a może jo do ataku mom przyjść?
- Oj Karlik puć sam ino. Chciałabych obyś ino łogiyń słorzył na sobotka. A potym to się możesz nawet łokompać, to to przeca wilijo św. Jana Krzciciela....
- Ja, ja , jo słyszał ło takim jednym co mu się na św. Jana przy tym kompaniu westa straciła.... Poszoł się kompać nad Pszczyna. Seblyk się, woda wartko była, ale fest rod był bo goronc niy do szczymanio. Nio jak się łokompoł, do dom przyszoł skapnął się ze wsty niy mo. Cołki rok jom szukał i nic. Na bezrok dopiyro jom znod. Borok się na nia podkoszulek łoblyk.
- Karlik , taki gupik wice godosz, klachy siejesz, może go fto tu jeszcze zno...
Jo wom się pochwola , nasz studzienicki koścoł jest pod wezwaniym Jana Krzciciela...wiedzieliście ło tym? A wiycie jak zeszło sobota go dziołchy pyknie na ślub wyrychtowały...A małe dziołszki to nawet przed młodymi gysi pompki sypały. No slub jas w bojce. ...
- Jo już chyba pomiarkował ło co ci Aśka chodzi..., ja się chyba byda zbiyroł...
Chocioż trocha to się starom, ze jak jo już byda za dziołchami się łoglondo, to łone mi uciekać bydom. I kaj jo se ftedy baba napasuja? Co by była robotno jak moja mama – wybpere, wybigluje, jeść nawarzy i jeszcze tak gryfnie wyglondo...
- Oj Karlik...to jo się z tymi wionkami jeszcze namyśla i dom ci znać.....abo niy.